الشروط والأحكام

الحساب

التسجيل بيتم برقم موبايل سوري فعّال، وإنت مسؤول عن صحة البيانات يلي بتدخّلها.

ممنوع استخدام حساب غيرك أو إدخال معلومات توصيل وهمية.

إدارة الموقع بتقدر توقف أي حساب بيسيء الاستخدام أو بيعمل طلبات وهمية.

الطلبات والأسعار

الأسعار والكميات مسؤولية البائع، والموقع بيعرضها زي ما بينحطّ.

بتقدر تلغي طلبك طالما لسا ما انتقل لحالة «بالطريق إليك».

إذا انتهت كمية منتج بعد ما طلبت، منتواصل معك لتعديل الطلب أو إلغاؤه.

الدفع

الدفع كاش بيتم للمندوب وقت استلام الطلب.

الدفع بشام كاش بيتطلب تحويل المبلغ على رقم المحفظة المعلن وإدخال رقم عملية التحويل، وبيتم التحقق منه يدوياً من إدارة الموقع قبل تجهيز الطلب.

أي حوالة ما بينثبت وصولها ما بتنعتبر دفعة صالحة.

التوصيل

أجرة التوصيل بتتحدد حسب منطقتك ضمن النبك، وبتبيّن قبل ما تأكّد الطلب.

أوقات التوصيل تقديرية وممكن تتأثر بظروف خارجة عن إرادتنا.

الإرجاع

بتقدر ترفض الطلب وقت الاستلام إذا كانت البضاعة تالفة أو مختلفة عن المطلوب.

المنتجات الغذائية الطازجة ما بترجع بعد الاستلام إلا إذا كانت تالفة.